epartamenti për Rend Publik, respektivisht Divizionit të Policimit në Bashkësi përmes Drejtorisë së policisë në Bashkësi dhe Parandalim zhvilluan projektin “Miku i Policisë – Ndërtues i Paqes”, i cili synon të kontribuojë në parandalimin e dukurive negative mes të rinjve përmes edukimit, dialogut dhe ndërtimit të besimit ndërmjet policisë dhe komunitetit.
Sot, në kuadër të këtij projekti, u zhvilluan aktiviteti ku morën pjesë 30 nxënës/e nga komuna e Hanit të Elezit, përfshirë edhe Arsimtar e Psikolog në Akademinë e Kosovës për Siguri Publike (AKSP). Ky aktivitet ka për qëllim forcimin e bashkëpunimit ndërmjet të rinjve dhe Policisë, duke i mbështetur ata në rolin e tyre si faktorë të rëndësishëm në ndërtimin e sigurisë dhe mirëqenies së komunitetit. Këtë aktivitete e kanë mbështetur MPB dhe BIK, Komuna e Hani i Elezit dhe njësitë tjera të specializuar policore si: Njësia e Hetimeve të Krimeve Kibernetike, K9, Njësia e Motoçikletave etj.
Komuna e Hanit të Elezit përkrahë çdo iniciativë për siguri, dhe Policia e Kosovës mbetet e përkushtuar që përmes projekteve të tilla të ndërtojë një shoqëri ku dialogu dhe respekti janë themeli i bashkëjetesës, dhe ku të rinjtë luajnë një rol aktiv në parandalimin e dukurive negative dhe ndërtimin e një të ardhme më të sigurt për të gjithë qytetarët.
