Hani i Elezit 16.11.2013
Rritja dhe përmirësimi i hapësirës shkollore me qëllim të arritjes së kushteve sa më të mira, mbetet një proces i vazhdueshëm për komunën e Hanit të Elezit.
Në kuadër të politikave dhe strategjive të komunës së Hanit të Elezit në fushën e arsimit, përmirësimi i infrastrukturës shkollore është qëllim parësorë.
Donatorë të shumtë kanë bërë punë të konsiderueshme gjatë këtyre viteve të fundit, megjithatë, infrastruktura shkollore e komunës së Hanit të Elezit mbeten me nevojën për zgjerim, riparim, instalim te ngrohjes, rregullim të rrjetit të ujësjellësit e kanalizimit dhe mirëmbajtje të objektit.
Përmirësimi dhe krijimi i hapësirave te reja shkollore ka për qëllim të ngritjes së cilësisë së arsimit, gjithë përfshirjes dhe zbatimit të reformave arsimore Për zhvillimin e veprimtarisë së tyre të gjitha institucionet arsimore duhet të jene mirë të pajisura me inventar, kabinete dhe laboratorë përkatëse. Nëse këto hapësira u mungojnë atëherë shumë e vështirë do të ishte zhvillimi praktikës laboratorike apo profesionale për secilën lëndë.
Për të arritur këto objektiva komuna e Hanit të Elezit dhe Ministria e Administrimit të Pushtetit Lokal nënshkruan “Marrëveshje Mirëkuptimi” për financimin e projektit;
“ Fasadimi i Objekteve Publike-Institucioneve Shkollore”
Ministria e Administrimit të Pushtetit Lokal përfaqësuar nga Sekretari i përgjithshëm i MAPL-së Besnik Osmani dhe Komuna e Hanit të Elezit përfaqësuar nga kryetari i komunës Rufki Suma me këtë marrëveshje u pajtuan që MAPL-ja do të financojë me 30.000.oo € realizimin e këtij projekti.
Me këtë marrëveshje komuna e Hanit të Elezit obligohet të krijojëj kushtet e nevojshme pë realizimin e këtij projekti si dhe të ndërmarrë të gjitha masat që projekti te realizohet me kohë.
Zyra për informim
