KRYETARI I KOMUNËS

Mehmet Ballazhi

Mehmet Ballazhi, i lindur më 09.04.1967 në fshatin Puset e Nikës, Hani i Elezit. Shkollimin fillor e kreu në Han të Elezit, kurse gjimnazin në Kaçanik. Ka mbaruar Shkollën e Lartë Pedagogjike “Gjuhë dhe Letërsi Shqipe” në Prishtinë, Shkollën e Oficerëve të Karrierës në Akademinë e Mbrojtjes “Hamëz Jashari”, si dhe Fakultetin e “Gjuhë dhe Letërsi Gjermane” në Universitetin e Tetovës.

I rritur në familje me traditë atdhetare, qysh i ri ka qenë i përkushtuar në çështjet kombëtare për çlirimin e Kosovës.

Veprimtaria e tij kombëtare dhe politike:

– Që nga viti 1985 ishte pjesëtar i grupit ilegal “Kushtrimi”;

– Për veprimtari politke, në vitin 1987 dënohet me 2 vjet burgim;

– Në janar të 1990 ishte organizator i demostratave për liri dhe demokraci në Han të Elezit, ku arrestohet dhe dënohet me 30 ditë burgim.

– Ishte pjesëtar aktiv i “Lëvizja Kombëtare”;

– Angazhimin kombëtar e vazhdoi edhe tek “Vendlindja Thërret”;

– Pjesëmarrës në Ushtrinë Çlirimtare të Kosovës, fillimisht në Tropojë, pastaj përmes Pashtrikut me grupin e Kaçanikut të Brigadës 162 “Agim Bajrami”, e pas një periudhe të shkurtër me urdhër të komandës caktohet si kordinator në njësitin e Puset e Nikës, ku dhe qëndron deri në përfundim të luftës si zv.Komandant i Brigadës 164 “Gafurr Loku” në Han të Elezit.

– Pas luftës shërbeu si mësimdhënës i gjuhës shqipe;

– Ishte Shef i Shtabit të Brigadës 362 “Agim Bajrami” të Trupave Mbrojtëse të Kosovës në Kaçanik.

– Poashtu pjesëmarrës në Ushtrinë Çlirimtare Kombëtare në Brigadën 115 “Radushë” në luftën në Maqedoni.

– Në mandatin 2017-2021 ka qenë shef i grupit të asambleistëve nga radhët e PDK në Kuvendin Komunal-Hani i Elezit.

– Ka shërbyer si mësimdhënës i gjuhës gjermane në shkollën fillore “Ilaz Thaçi” deri në 2021.

Aktualisht Kryetar i Komunës së Hanit të Elezit.

Është i martuar, baba i tre fëmijëve.

54.1 Kryetari i Komunës zgjidhet drejtpërdrejtë nga qytetarët e Komunës që kanë të drejtë vote në përputhje me Ligjin mbi Zgjedhjet Lokale.

54.2 Kryetari i komunës zgjidhet për një periudhë katër vjeçare.

54.3 Mandati i Kryetarit të Komunës mund të përfundojë në rastet e parapara sipas dispozitave të nenit 56.3 të Ligjit.

Neni 55

Betimi

Kryetari i Komunës, pas zgjedhjes e jep betimin solemn para anëtarëve të Kuvendit të Komunës. Forma e betimit solemn është si vijon: “Betohem se do t’i kryej detyrat dhe do t’i ushtroj kompetencat e mia si Kryetar i Komunës së Hanit të Elezit me nderë, besnikëri, paanshmëri, me ndërgjegje dhe në pajtim me ligjin, në mënyrë që të sigurohen kushtet për një jetë të qetë për të gjithë.”

Shkarkimi Kryetari i Komunës mund të shkarkohet në pajtim me nenin 64 të LVL-së.

Neni 56

Përgjegjësitë

Kryetari i Komunës i zbaton përgjegjësitë, si në vijim :

Udhëheq Ekzekutivin e Komunës, Administratën e saj dhe mbykqyrë Administrimin Financiar të Komunës;
Mbikëqyrë zbatimin e të gjitha akteve juridike të aprovuara nga Kuvendi i Komunës;
c) Delegon përgjegjësit tek nënkryetari dhe anëtarët e ekzekutivit dhe mbikqyrë zbatimin e përgjegjësive të deleguara;
d) I propozon Kuvendit të Komunës ndryshime në lidhje me funksionin dhe numrin e drejtorive dhe funksionin e tyre në pajtim me legjislacionin në fuqi;
e) I ofron propozime Kuvendit të Komunës për konstituimin, organizimin dhe koordinimin e organeve të komunës si dhe krijimin e institucioneve dhe ndërmarrjeve;
f) Bënë caktimin, ndarjen apo koordinimin e përkohshëm të punëve dhe përgjegjësive në mes të drejtorive sipas nevojës duke pasur për bazë lëmin apo projektin e caktuar;
g) Emëron dhe shkarkon Nënkryetarin dhe Drejtorët e Drejtorive, stafin e emëruar – mbështetës dhe kryeson mbledhjet e Ekzekutivit të Komunës;
h) I propozon Kuvendit të Komunës zhvillimin e Komunës, planin rregullativ dhe investues si dhe propozim-buxhetin, pas miratimit nga ana e Kuvendit të Komunës është përgjegjës për zbatimin e tyre.
i) Raporton në Kuvendin e Komunës së paku një herë në gjashtë muaj apo çdoherë që kërkohet nga ai, ose me kërkesë së paku prej 1/3 ( një të tretës ) të anëtarëve të Kuvendit të Komunës;
j) Mund të kërkoj që Kuvendi i Komunës ta shqyrtoj një akt të komunës para hyrjes në fuqi kur konsideron se akti cenon Legjislacionin në zbatim apo interesin e Komuniteteve;
k) Udhëheqë mbledhjet e KKSB-së
l) Shpall konkursin, rekruton, zgjedhë dhe shkarkon udhëheqësin e personelit në pajtim me ligjin e aplikueshëm për shërbimin civil;
m) Përgjegjësi tjera të përcaktuara dhe të deleguara nga Kuvendi i Komunës.

Mehmet Ballazhi

Përgjegjësit

How do I ?

Si mund të?