Sot, si Kryetar i Komunës pata kënaqësinë të jem pjesë e prezantimit në Forumin e dytë të Shkëmbimit, ku u mblodhëm me disa nga Kryetarë të Komunave pjesëmarrëse nga Kosova si dhr nga Moldavia dhe Ukraina që u bashkuan online. Diskutuam inovacionet lokale në qeverisjen e hapur, rezultatet konkrete, mësimet e nxjerra dhe drejtimet e ardhshme për forcimin e demokracisë lokale.
Ky forum ka rëndësi të veçantë, sepse përmes ndarjes së përvojave ne forcojmë themelet e qeverisjes së hapur dhe vlerat që na bashkojnë si pjesë e Këshillit të Evropës dhe Bashkimit Evropian. Qëllimi ynë i përbashkët mbetet ndërtimi i institucioneve më transparente, më të përgjegjshme dhe më gjithëpërfshirëse.
Forumi i Shkëmbimit ofroi një platformë të vlefshme për të prezantuar rezultatet e iniciativave lokale dhe për të kontribuar në hartimin e Planit të ri Kombëtar të Veprimit për Qeverisjen e Hapur.
Faleminderit të gjithëve për bashkëpunimin dhe kontributet e çmuara.
Ky aktivitet u organizua si pjesë e projektit të Këshillit të Evropës “Forcimi i qeverisjes shumënivelëshe dhe demokracisë pjesëmarrëse”, i zbatuar nga Qendra e Ekspertizës për Qeverisje Shumënivelëshe pranë Kongresit të Autoriteteve Vendore dhe Rajonale.
