Kryetari Mehmet Ballazhi falenderon KFOR-in italian dhe ekipin e LMT-së polake për mbështetjen e jashtëzakonshme për Qendrën Kryesore të Mjekësisë Familjare në Komunën e Hanit të Elezit.
Falënderojmë sinqerisht KFOR-in Italian dhe ekipin e LMT-së polake për mbështetjen e jashtëzakonshme për Qendrën Kryesore të Mjekësisë Familjare në Komunën e Hanit të Elezit.
Një kërkesë tejet e domosdoshme për pajisje mjekësore, të adresuar nga Drejtoria e Shëndetësisë dhe Mirëqenies Sociale, gjeti mbështetje falë bashkëpunimit të mirëfilltë, profesional dhe shumëvjeçar me KFOR-in Italian. Ky donacion i rëndësishëm do të ndikojë drejtpërdrejt në avancimin e kushteve të punës dhe në rritjen e cilësisë së shërbimeve shëndetësore për qytetarët tanë.
Lista e pajisjeve të dhuruara përfshin:
• Shtrat për reanimim
• Irrigator për pastrim të veshëve
• Tavolina lëvizëse me rafte
• Sete kirurgjikale dhe gërshërë kirurgjikale
• Doboza të mëdha dhe të mesme për sterilizim
• Enë veshkore metalike (drejtkëndore dhe rrethore)
• Irrigator aurikolar
• Elektrokardiogram 12-kanalësh
• Elektroda monitorimi
• Dritë ekzaminuese për sy
• Letra EKG
• Karrocë për invalidë
• Shtaga për persona me aftësi të kufizuara
• Shtrat për pacientë
• Amalgamator stomatologjik
• Set danez dhe qafore “Filadelfia”
• Endometër me apex të integruar
• Lampë polimerizuese
• Set stomatologjik
• Termohigrometër
• Pajisje mbrojtëse nga rrezatimi
• Rafte druri dhe metalikë
• Kompjuter me printer
Ky donacion përbën një kontribut të çmuar për funksionimin e QKMF-së dhe për fuqizimin e sistemit shëndetësor lokal. Shprehim mirënjohje të thellë për KFOR-in Italian, LMT-në polake dhe për partneritetin e tyre të palëkundur, i cili vazhdon të sjellë rezultate konkrete për komunitetin tonë.
