Sot pata kënaqësinë të vizitoj ushtarët e Forca e Sigurisë së Kosovës, të cilët po zhvillojnë fushatë informuese edhe në Han të Elezit për hapjen e konkursit për rekrutimin e ushtarëve të rinj.
I përgëzova për përkushtimin dhe profesionalizmin me të cilin po i informojnë të rinjtë tanë rreth mundësive që ofron shërbimi në FSK. Kjo fushatë është një mundësi konkrete për vajzat dhe djemtë e moshës 18–25 vjeç që të ndërtojnë një karrierë të ndershme, me disiplinë, dinjitet dhe shërbim ndaj atdheut.
Afati për aplikim është nga 2 deri më 27 mars. I inkurajoj të gjithë të rinjtë e komunës sonë që ta shfrytëzojnë këtë mundësi dhe të aplikojnë përmes platformës zyrtare të rekrutimit. Shërbimi në FSK nuk është vetëm profesion – është përgjegjësi dhe nder.
Komuna jonë do të vazhdojë të mbështesë çdo iniciativë që fuqizon rininë dhe kontribuon në sigurinë dhe zhvillimin e vendit tonë.
