Zyra Rajonale e OSBE-së lanson projektin anti-trafikim
Gjilan, 17 qershor 2010 – Seksioni Anti-trafikim i Misionit të OSBE-së në Kosovë ka lansuar sot projektin “Ngritja e njohurive dhe përfshirja e autoriteteve vendore në luftimin e trafikimit të qenieve njerëzore në rajoinin e Gjilanit”. Drejtori i Qendrës Rajonale dhe përfaqësuesit nga Ministria e Drejtësisë dhe Ministria e Punëve të Brendshme kanë prezantuarë projektin dhe aspekte të zbatimit të kësaj nisme në të gjitha etapat.
Objektivi i përgjithshëm i projektit është të forcojë kapacitete e organeve përkatëse për të zhvilluar dhe zbatuar në mënyrë efektive politikat dhe strategjitë që kanë për qëllim krijimin e kushteve për parandalimin dhe luftimin e trafikimit të qenieve njerëzore, si dhe për të siguruar se nevojat , të drejtat dhe interesat e ligjshme të (të mundshëm), viktimat janë të mbrojtura dhe të respektuara plotësisht.
Përmes këtij projekti seksioni Anti-trafikim i OSBE-së ka për qëllim të jap kontributin e vet në zbatimin e Staretgjisë dhe Planit Veprues të Kosovës në Luftën Kundër Trafikimit të Qenieve Njerëzore 2008-2011, të ngrisë aftësitë e autoriteteve në identifikimin dhe asistimin e viktimave të trafikimit, të rrisë bashkëpunimin midis partnerëve relevant në fushën e anti-trafikimit, si dhe të ngritë vetëdijen e popullatës mbi trafikimin e qenieve njerëzore dhe luftën kundër këtij fenomeni.
Projekti do te implementohet nga ana e stafit te OSBE-se ne terren dhe Seksionin e Anti-Trafikim, ne partneritet te ngushtë dhe bashkëpunim me autoritetet përgjegjëse dhe palët e interesuar ndërkombëtare relevante për te siguruar komplementaritetin e aktiviteteve dhe qëndrueshmërinë e rezultateve.
Zyra Rajonale e OSBE-së lanson projektin anti-trafikim
