Gjilan, 1 qershor 2010 – Qendra Rajonale e OSBE-së në ka organizuar një punëtori dy-ditore mbi transparencën komunale dhe llogaridhënien më 31 maj dhe 1 qershor në Gjilan. Kjo punëtori ishte pjesë e një projekti afatgjatë të titulluar ”Rritja e transparencës komunale dhe llogaridhënies përmes komunikimit të jashtëm”, që ka për qëllim të lehtësojë ndërveprimin midis autoriteteve komunale dhe qytetarëve duke u mbështetur në rrjedhën e lirë të informacionit, transparencës dhe llogaridhënies.
”Përkrahja e transparencës dhe llogaridhënies është një parim themelor i qeverisjes së mirë që mundëson të kuptuarit më të mirë të çështjeve nga qytetarët dhe inkurajon ata që në mënyrë aktive të marrin pjesë në vendimmarrje”, tha drejtori i Qendrës Rajonale, z. Ulrich Biffar, në fjalën e tij të mirëseardhjes.
Aktorë kyç në komunikimin e jashtëm, siç janë zyrtarët për informim, arkivistët, zyrtarët ligjor, mirëmbajtësit e webfaqeve, nga të gjitha komunat e rajonit të Gjilanit kanë marrë pjesë në ditën e parë të punëtorisë, kurse në ditën e dytë të pranishëm ishin drejtorët e drejtorive komunale në cilësinë e aktorëve kyç në komunikimin e brendshëm. Përfaqësues nga Ministria e Administrimit të Pushtetit Lokal dhe Asociacioni i Komunave të Kosovës ishin të pranishëm në ngjarje për të shkëmbyer përvojat e mira dhe sfidat në drejtim të rritjes së transparencës komunale. Pjesëmarrësit në punëtori kanë dalur me disa rekomandime në funksion të rritjes së cilësisë në komunikimin me qytetarët dhe promovomit të transparencës dhe llogaridhënies.
Qendra Rajonale e OSBE-së ka paraqitur fazat e mëtejme të projektit, duke përfshirë financimin e vendosjes së emërtimeve në dyert e zyrtarëve, si dhe publikimin e broshurave në të gjitha komunat për të informuar publikun mbi strulturat komunale dhe mënyrat si mund të kenë qasjen në shërbimet komunale.
Qendra Rajonale e OSBE-së nis projektin mbi transparencën komunale dhe llogaridhënien
