Këshilli për rend të punës shqyrtoi:
1. Miratimi i procesverbalit nga mbledhja e kaluar
2. Informatë për gjendjen e përgjithshme të sigurisë në komunë
3. Të ndryshme
Me takimin e Këshillit Komunal për Siguri në Bashkësi udhëhoqi Kryetari i Komunës z.Mehmet Ballazhi i cili tha se nga informatat e rregullta mund te konstatojmë një gjendje të qetë dhe stabile në komunën e Hanit të Elezit.
Kryetari Ballazhi tha se duke qenë zonë kufitare jemi në nivel të mirë të sigurisë.
Për gjendjen e sigurisë në KKSB raportuan zyrtarët nga Policia e Kosovës.
z.Lulzim Deda nga Policia Kufitare raportoi për gjendje të mirë dhe pa ndonjë rast të cënimit të rëndë të rregullave kufitare, dhe sipas tij në periudhën raportuese janë regjistruar shtatë raste të cilat do të trajtohen sipas procedurave të rregullta.
z.Adil Ahmeti nga Stacioni Policor në Han të Elezit në raportin e tij gjendjen e përgjithshme të sigurisë e vlerësoi si të qetë dhe pa ndonjë rast të cënimit të rëndë të rendit dhe qetësisë publike.
Ai tha se përgjatë periudhës raportuese janë regjistruar numër më i vogël i rasteve të raportuara në krahasim me vitin e kaluar.
Anëtarët e FSK-së pjesëmarrës në këtë takim raportuan mbi gjendjen momentale të shkaktuar nga reshjet e shiut.Sipas tyre gjendja është në monitorim e sipër dhe se FSK është në gjendje gadishmërie për të intervenuar aty ku do të paraqitet nevoja.
Kurse anëtarët e tjerë të KKSB-së diskutuan edhe çështje të tjera me interes për ngritjen e sigurisë së përgjithshme në komunë.
