13.07.2010-Hani I Elezit- Kryetari i Komunës së Hanit të Elezit Rufki Suma priti sot një delegacion të Qendrës Rajonale të OSBE-së në Gjilan me në krye z.Biffar Ulrich ,Drejtorë i kësaj qendre.
Pas një prezantimi të shkurtë për të arriturat dhe sfidat me të cilat po përballet Komuna e Hanit të Elezit,gjatë kësaj periudhe kohore, z. Suma shfrytëzoi rastin që të falemnderohet zyrës së OSBE-së për angazhimin, përkrahjen dhe ndihmën e dhënë,në një fazë shumë të rëndësishme të ndërtimit të këtij institucioni .
Ishin disa qështje për të cilat u bashkëbisedua; papunësia,procesi i privatizimit të ndërmarjeve publike,nevojë për themelimin e një ndërmarrje publike e cila do të menaxhonte me ujësjellësin.kanalizimin dhe me mbeturinat,shtimi i stafit në komunë që do të mundësonte shërbime edhe më të mira për qytetarët.
Ishte vlerësim i përbashkët se janë disa mundësi të bashkëpunimit në ndonjë projekt të përbashkët ndërmjet Komunës së Hanit të Elezit dhe zyrës së OSBE-së.
Duke uruar për të arriturat z.Ulrich u zotua se zyra e OSBE-së do të vazhdoj në misionin e tyre në përkrahjen për ndërtimin e këtij institucioni ,gjithnjë në funksonë të shërbimeve dhe kujdesit sa më mirë për qytetarët.
Zyra për Informim.
