Sot, më 28 tetor, në Dërmjak, nderuam me respekt dhe përulësi kujtimin e 15 kryefamiljarëve shqiptarë, të cilët u vranë mizorisht nga pushtuesi serb në vitin 1912. Kjo masakër mbetet një nga ngjarjet më të rënda tragjike në historinë e trevës së Hanit të Elezit, dëshmi e dhimbjes dhe sakrificës së popullit tonë përballë dhunës dhe gjenocidit.
Me këtë rast, kujtuam martirët: Xhemal Curri, Shaban Curri, Sefë Curri, Salih Curri, Miftar Curri, Kamer Curri, Halit Curri, Rushit Curri, Mehmet Curri, Liman Curri, Bajram Curri, Sadik Curri, Halim Curri, Hajdin Curri dhe Hazir Curri.
Nderimi i tyre është detyrim kombëtar dhe moral. Përmes përkujtimit dhe ruajtjes së kësaj kujtese historike, ne jo vetëm nderojmë sakrificën e të parëve tanë, por edhe sigurohemi që e vërteta për vuajtjet dhe qëndresën e popullit shqiptar t’u përcillet brezave të rinj.
Falënderoj komunitetin e Dërmjakut për ruajtjen e kujtimit të martirëve dhe përkushtimin ndaj trashëgimisë sonë historike.
Lavdi e përjetshme martirëve të Dërmjakut!
Kujtimi i tyre qoftë i përhershëm!
