Sonte pata kënaqësinë të marr pjesë në premierën e shfaqjes teatrore “Thesari i Fshehur”, një projekt i realizuar me shumë përkushtim, i cili përcolli mesazhe të rëndësishme për mbrojtjen e mjedisit dhe edukimin e brezave të rinj.
Përgëzoj Zana Duraku, autore dhe regjisore e shfaqjes, si dhe Armend Ballazhi, menaxher i projektit, për punën dhe angazhimin e tyre në realizimin e këtij projekti të veçantë kulturor, e poashtu edhe nxënësit/et nga Hani i Elezit që po ia dalin më së miri të jenë aktorë e aktore të mrekullueshme.
Falënderoj gjithashtu Titan Sharrcem, Shoqatën DUA, Ministrinë e Kulturës, Rinisë dhe Sportit, si dhe të gjithë bashkëpunëtorët dhe pjesëmarrësit që kontribuuan në sjelljen e kësaj shfaqjeje para publikut të Hanit të Elezit.
Kjo mbrëmje dëshmoi edhe një herë se arti dhe kultura kanë fuqi të madhe për të edukuar, frymëzuar dhe bashkuar komunitetin tonë. Si Komunë e Hanit të Elezit, do të vazhdojmë të mbështesim iniciativa që promovojnë kreativitetin, edukimin dhe vlerat tona shoqërore.
Urime për premierën e suksesshme dhe për shumë projekte të tjera të ngjashme në të ardhmen
