Çfarë mbrëmje kjo e natës finale të Edicionit të Tretë të Festivalit Folklorik Mbarëkombëtar Hani i Elezit 2025, e një kohësisht edhe festa e Ditës së Çlirimit të Komunës së Hanit të Elezit.
Dita e Çlirimit të Hanit të Elezit tashmë ka marrë komplet karakter festiv, sepse prej tre vitesh radhazi po festohet me të madhe në Han të Elezit, përmes Festivalit Folklorik Mbarëkombëtar Hani i Elezit.
Pas garimit të 20 ansambleve nga Kosova, Shqipëria, Maqedonia e Veriut dhe Mali i Zi, sot u kurorëzuan 17 fitues/e të 17 çmimeve të kategorive të ndryshme folklorike të vlerësuara nga juria profesionale, e kryesuar nga prof.Sami Pira – publicist, kompozitor dhe gazetar, prof.dr. Besarta Reçica – etnologe, si dhe prof.Dilaver Kryeziu – etnokoreolog , njëherësh edhe regjisor dhe udhëheqës artistik i Festivalit tonë.
Pas vlerësimit të jurisë, u ndanë këto çmime:
1. Vendi i parë: SHKA “Emin Duraku” – Shkup
2. Vendi i dytë: SHKA “Bresana” – Dragash
3. Vendi i Tretë: SHKA “Jahi Hasani” – Çegran, Gostivar
4. Çmimi i Kabinetit të Kryetarit: SHKA “Malësori” – Gjonaj
5. Çmimi Ansambli më autokton: SHKA “Katarina Josipi” – Zym, Has
6. Çmimi “Kostumet më të mira” – SHKA “Jahi Hasani” – Çegran, Gostivar
7. Çmimi Orkestra më e mirë: SHKA “Kastriotët” – Ferizaj
8. Çmimi Grupi polifonik më i mirë: SHKA “Dibra e Madhe” – Dibër
9. Çmimi Instrumentisti më i mirë: Altin Gashi nga SHKA “Ilirida” – Shtime
10. Çmimi Grupi i këngëtarëve më të mirë: AKV “Hajvalia” – Prishtinë
11. Çmimi Këngëtari më i mirë: Mersud Bajrami nga SHKA “Jeta e Re” – Sllupçan, Kumanovë
12. Çmimi Këngëtarja më e mirë: Nazmije Demolli nga SHKA “Zëri i Kamenicës” – Kamenicë
13. Çmimi Koreografia më e mirë: SHKA “Shqiponjat” – Saraj
14. Çmimi Valltarët më të mirë: SHKA “Zëri i Kosovës” – Fushë Kosovë
15. Çmimi Dueti i këngëtarëve më të mirë: Lirikë Sylejmani dhe Ramë Isufi nga SHKA “Karadaku” – Gjilan
16. Çmimi Valltari më i mirë: Albulent Spahiu nga SHKA “Zëri i Kamenicës” – Kamenicë
17. Çmimi Valltarja më e mirë: Xheneta Zeneli nga SHKA “Emin Duraku” – Shkup
Falënderoj të gjitha ansamblet pjesëmarrëse, të gjithë jeni fitues, sepse fitoren më të madhe e kishit gjithë përzemërsinë e publikut të Hanit të Elezit.
Falënderim dhe mirënjohje për të gjithë ju, që keni gjetur kohë dhe keni qëndruar me orë të tëra duke shijuar performancat folklorike.
Ju i jepni vlerë traditës, kombit, gjuhës dhe folklorit shqiptar!
