Në prezencë të zv.Ministrit të Ekonomisë Getoar Mjeku, Drejtoreshës së ARRU-së Hajrije Morina, Kryeshefit Ekzekutiv të KRU Bifurkacioni Jeton Shabani dhe përfaqëses të institucioneve tjera vendore sot në Dimcë të Hanit të Elezit është përuruar lëshimi në funksion i fabrikës për prodhimin e ujit me kapacitet deri në 20 l/s i cili pritet të furnizojë rreth 5 mijë banor të komunës tonë.
Projekti në fjalë ka pasur kosto prej reth 450 mijë Euro dhe është pjesë e fazës së IV-të Programit Mbështetës për Ujësjellës dhe Kanalizim për Zonat Rurale (PMUKZR), i cili është financuar nga Agjencia Zvicerane për Zhvillim dhe Bashkëpunim (AZZhB), Qeveria e Kosovës dhe Komuna e Hanit të Elezit.
Përurimi shënon kalimin e këtij aseti në menaxhim të KRU Bifurkacioni SH.A
Krahas vënies në funksion të impiantit dhe marrjes në menaxhim nga KRU Bifurkacioni, së bashku me komunën është duke u punuar edhe në përmirësimin e rrjetit të ujësjellësit në qytet përfshi dhe vendosjen e ujëmatësve.
