Sot me kënaqësi mora pjesë në përurimin e projektit mahnitës nga të rinjtë e ShML “Dardania” në Han të Elezit, me partnerët e angazhuar të Caritasit Zviceran nga organizata CEDE, si dhe Ministrisë së Zhvillimit Rajonal për të mbështetur shkollat në trajtimin e ndryshimeve klimatike, e cila u realizua falë përkushtimit të këtyre të rinjve nga Ekoklubi i ShML “Dardania” me koordinator Orhan Bushi dhe me përkrahje nga drejtori i shkollës Ziber Xhoni dhe Drejtoria Komunale e Arsimit, e për të cilët mbështetja ime dhe e Komunës së Hanit të Elezit nuk do të mungojë për projekte me ndikim pozitiv në mjedisin tonë.
Falënderoj dhe përgëzoj të gjithë ata që kontribuan që ky projekt të bëhet realitet dhe pamja e oborrit të ShML “Dardania” të jetë ekologjike, njëkohësisht e bukur për tu parë.
