Qeveria Zvicrane Përkrahë Komunën e Hanit të Elezit

Projekti Zvicër-Kosovë Përkrahje Qeverisjes Lokale dhe Decentralizimit- LOGOS është projekt për Qeverisje Lokale, financuar nga Qeveria Zvicerane përmesAgjensonit Zviceran për Bashkëpunim SDC, ndërsa realizohet nga Fondacioni Zviceran INTERCOOPERATION.

LOGOS II vazhdon punën nga faza e parë duke dhënë përkrahje dhe kontribut komunave në pjesën jug lindore të Kosovës.

Faza e dytë do të zgjasë nga janari 2010 deri në dhjetor 2012. Buxheti është i përbërë nga 3 milion Euro, i ndarë për trajnime të cilat janë të dizajnuara enkas për komuna të caktuara, për këshillime si dhe për bashkëfinancime të projekteve. Partnerët e projektit nga faza e parë Kamenicë/Kamenica dhe Novo Bërdë/Novo Brdo do të vazhdojnë të përfitojnë nga projekti edhe në këtë fazë. Përveç kësaj projekti do të përfshijë edhe 5 komuna tjera si partnere të projektit nga regjioni i Gjilanit siq janë: Hani i Elezit Ranilug/Ranillug, Klokot-Vrbovac/Kllokot-Vërbovc, Shtërpcë/Štrpce, Kaçanik/Kačanik

Qëllimi afatgjatë i fazës II të LOGOS-it është: qeverisja lokale dhe reformat e decentralizimit në komunat juglindore të Kosovës janë forcuar duke kontribuar kështu në zhvillimin e shoqërisë demokratike dhe shumetnike si dhe rritje të pjesëmarrjes së qytetarëve. E arritura e LOGOS II është: komunat partnere nga regjioni juglindor i Kosovës janë të përgjegjshme, transparente, e të paanshme dhe efektive në fushë të qeverisjes lokale dhe japin shërbime cilësore, për të cilat të gjithë qytetarët janë të kënaqur.

Për të arritur këtë qëllim projekti do të punojë në 3 fusha me sa vijon: 1) në planifikim dhe menaxhim të burimeve: 2) në organizim dhe në dhënie të shërbimeve komunale; 3) në bartjen e përvojave horizontalisht dhe vertikalisht. Projekti do të ndihmojë komunat e Kamenicë/Kamenica, Klokot Vrbovac/Kllokot Vërbovc, Shtërpcë/Štrpce, Kaçanik/Kačanik dhe Novobërdë/Novo Brdo në zhvillimin dhe përfundimin të planeve strategjike hapësinore. Projekti gjithashtu do të themelojë zyre pritëse në Komunë të Kamenicë/Kamenica. Në Hani i Elezit projekti do të ndihmojë komunat me themelimin e sistemit të menaxhimit të mbeturinave. Të gjitha komunat do të ndihmohen për një menaxhim sa më të mirë të financave me fokus të veçantë në rritjen e të hyrave vetanake. Gjithashtu projekti parasheh aktivitete të ndryshme për përmirësim të politikave për pozitën e gruas në komunat partnere

Nënshkrimi i MOU-së në mes të LOGOS II dhe komunave partnere do të behet me datë 14 prill në Prishtinë
Me këtë rastë pritet që me fjalime rasti te prezentohen edhe

· Ministri i Ministrisë së Administrimit të Pushtetit Lokal – Sadri Ferati

· Drejtori Ekzekutiv i Asociacionit të Komunave të Kosovës – Sazan Ibrahimi

· Drejtori i Zyrës Zvicerane për Bashkëpunim në Kosovë Samuel Waelty

Koordinatori i Zvicër-Kosovë Përkrahje Qeverisjes Lokale dhe Decentralizimit LOGOS II – Norbert Pijls

                                                                                                                         Zyra për Informim


QEVERIA ZVICERANE
Përmes Agjensonit Zviceran për Bashkëpunim SDC

Qeveria Zvicrane Përkrahë Komunën e Hanit të Elezit

How do I ?

Si mund të?