Hani i Elezit 01.02.2011
Kryeshefi Ekzekutiv i Agjencionit Kadastral i Republikës së Kosovës Dr.Murat Meha së bashku me stafin e tij dhe bashkëpunëtorët vizituan sot Komunën e Hanit të Elezit
Ata u takuan me Nënkryetarin e Komunës Muzafer Dernjani , dhe ishin shumë tema për të cilat u konstatua interes i përbashkët për një bashkëpunim sa më të madhë ndërmjet këtyre Institucioneve.
Ishte kjo vizita e parë udhëheqësve të këtij Agjencioni dhe me interes të veçantë për mysafirët ishin sfidat dhe problemet nëpër të cilat ka kaluar zyra e Kadastrit e Komunës sonë duke pas parasysh se kjo zyre nuk ka as edhe një vit të plotë të funksionalizimit si dhe specifikat e veçanta të kësaj zyre pasi që një pjesë e madhe e territorit të komunës është zonë kufitare .
Procesin e funksionalizimit dhe problemet e zyrës kadastrale ,me pakë fjalë e përshkroi koordinatori i zyrës Kadastrale Zekiria Krivenjeva me që rastë falëmnderoi për përkrahjen nga agjencioni si dhe komunën e Kaqanikut gjat procesit të transferimit të bazës së të dhënave,por të njëjtën kohë theksoi edhe për problemet për të cilat kjo zyre ka nevojë sidomos në fushën e trajnimeve specifike për nevojat e kësaj zyreje
Z Meha njoftoi nënkryetarin e Komunës z. Dernjani se GTZ-ja ka kyqur komunën e Hanit të Elezit në një program përkrahës dhe shpreson se kjo përkrahje do të jetë në dobi të dy anshme por më shumë edhe në interes të qytetarëve të cilët edhe më së shumti kanë edhe nevojë.
Pas një vizite edhe të zyrës Kadastrale mysafirët nga Agjencioni u ndanë të kënaqur me punën e bërë në këtë zyre, por me shpresë që me një bashkëpunim më intensiv do të arrihen edhe rezultate maksimale.
Zyra për Informim
