Hani i Elezit 06.06.2014
Të nderuar qytetarë të Komunës së Hanit të Elezit
Me vendimin e Kuvendit të Kosovës për shpërndarjen e tij, dhe me vendimin e shpallur nga Presidentja Atifete Jahjaga, vendi ka hyrë në një proces të rëndësishëm zgjedhor.
Vendi ynë, Kosova, shkon në zgjedhje të parakohshme parlamentare më 8 Qershor dhe pjesë e këtij procesi të rëndësishëm jemi edhe ne qytetarët e komunës së Hanit të Elezit .
Kur na ndajne vetëm pak ore nga zgjedhjet e 8 Qershorit, bëjë thirrje te të gjithe qytetarët e komunës së Hanit të Elezit, te dalin dhe te votojnë masivisht.
Te gjithë zgjedhësit pavarësisht bindjeve politike, duhet te bashkohen me 8 Qershorë rreth kutisë se votimit.
Zgjedhjet janë një moment kur të gjitha partitë përpiqen që të fitojnë pjesë sa më të madhe nga trupi zgjedhor dhe ata i shfrytëzojnë të gjitha mundësit se si të mobilizojnë sa më shumë simpatizantë zgjedhorë, andaj apeloj te të gjithë ata të cilët janë të përfshirë në procesin zgjedhor t’i respektojnë standardet demokratike sepse “zgjedhjet patjetër duhet të jenë garë të vlerave të mirëfillta demokratike" ashtu siç ishin të qeta ditët e fushatës parazgjedhore.
Bëjmë edhe një apel deri tek institucionet që janë kompetente për mbarëvajtjen e procesit zgjedhor që ditën e zgjedhjeve të jenë të angazhuara maksimalisht me qëllim të arritjes së kësaj vlere demokratike.
Shfrytëzojë rastin të falënderojë subjetet politike të komunës së Hanit të Elezit për fushatën korekte dhe angazhimin e tyre në këtë proces të rëndësishëm demokratik.
Të nderuar qytetarë të komunës së Hanit të Elezit,
Në zgjedhjet lokale 2013 dëshmuam se kuptojmë rëndësinë dhe fuqinë e votës së lirë.
Të dëshmojmë edhe një herë se vendimi për të dalë në zgjedhje është në interesin tonë dhe mundësia më demokratike të vendosim për të ardhmen tonë, andaj ju ftojë që me datë 8 Qershor të gjithë ne me të drejtë vote të dalim në zgjedhje dhe vendosim për të ardhmen tonë.
Kryetari i Komunës
Rufki Suma
