Kuvendi komunës së Hanit të Elezit mbajti mbledhjen e shtatë të rregullt për vitin 2015 dhe për rendë të punës kishte:
1.Betimi i anëtares së Kuvendit të Komunës znj.Valbona Krasniqi
2.Miratimi i procesverbalit nga mbledhje e kaluar
3.Themelimi i grupit të punës për hartimin e Planit të Punës së Kuvendit të Komunës për vitin 2016
4.Shqyrtimi i informatës mbi suksesin e arritur të nxënësve në SHFMU dhe SHML në fundë të gjysëmvjetorit të dytë të vitit shkollorë 2014-2015
5.Shqyrtimi i njoftimit për aktivitetet e Këshillit Komunal për Siguri në Bashkësi për gjashtëmujorin e pare të vitit 2015
6.Pyetje dhe përgjigje
Me punën e kuvendit të komunës udhëheqi Kryesuesi z.Qamush Brava ndërsa nga ekzkutivi ishin present Kryetari i Komunës Rufki Suma dhe drejtorët e drejtorive përkatëse.
Pas miratimit të rendit të ditës anëtarje e re e Kuvendit të Komunës znj.Valbona Krasniqi dha betimin solem me të cilën akt është bërë zavendësimi i këshilltares Sadie Livoreka nga grupi i këshilltarëve të PDK-së e cila për mungesë dhe në përputhje me ligjin i është marrë mandati.
Këshilltarët e kuvendit të komunës vendosën që anëtarë të grupit të punës për hartimin e Planit të Punës së Kuvendit të Komunës për vitin 2016 të jenë anëtarë e KPF-së pasi që prezentojnë edhe përbërjen e kuvendit të komunës.
Shqyrtimin e informatës mbi suksesin e arritur të nxënësve në SHFMU dhe SHML në fundë të gjysëmvjetorit të dytë të vitit shkollorë 2014-2015 para këshilltarëve e prezentoi Drejtori I DKA-së z.Irfan Qajani.
Sipas raportit të prezentuar suksesi i nxënësve në gjysmëvjetorin e dytë të vitit shkollor 2014/2015 për të gjitha shkollat fillore të mesme të ultë në komunën e Hanit të Elezit ku gjithsejtë në nivelin 1-9 janë regjistruar 1488nx. prej tyre 707nx. janë femra, ndërsa vijojnë 1473nx. prej tyre 698nx. janë femra. Me sukses pozitivë janë 1441nx. prej tyre 690nx. janë femra apo në përqindje 97.82%. Me sukses negativ gjithsejtë janë 32nx. prej tyre 8nx. janë femra apo në përqindje 2.17%. Të pa notuar gjithsejtë janë 8 nx. prejt tyre 5nx. janë femra apo në përqindje 0.53%,, t’çregjistruar gjithsejtë janë 4nx. prej tyre 2nx. janë femëra apo në përqindje 0.26%, të braktisur gjithsejtë janë 3nx. prej tyre 2nx. janë femëra apo në përqindje 0.20%. Nota mesatare e nivelit 1-9 është 3.69.
Suksesi i nxënësve në gjysmëvjetorin e dytë të vitit shkollor 2014/2015 për shkollën e mesme të lartë “Dardania” në komunën e Hanit të Elezit ku gjithsejtë në nivelin 10-12 janë regjistruar 376nx. prej tyre 175nx. janë femra, ndërsa vijojnë 332nx. prej tyre 163nx. janë femra. Me sukses pozitivë janë 238nx. prej tyre 140nx. janë femra apo në përqindje 71.69%. Me sukses negativ gjithsejtë janë 94nx. prej tyre 23nx. janë femra apo në përqindje 28.31%. Të pa notuar nuk kemi, t’çregjistruar gjithsejtë janë 32nx. Prej tyre 10 janë femra apo në përqindje 8.51%, të braktisur gjithsejtë janë 12nx. Prej tyre 2 janë të gjinisë femrore apo në përqindje 3.19%. Nota mesatare e nivelit 10-12 është 3.34.
Ndërsa kryetari i komunës Rufki Suma para kuvendarëve prezentoi aktivitetet e Këshillit Komunal për Siguri në Bashkësi për gjashtëmujorin e pare të vitit 2015.
Ai tha se Këshillit Komunal për Sigurinë e Bashkësive në komunën e Hanit të Elezit për gjashtë mujorin e vitit 2015 ka mbajtur gjashtë (6) mbledhje të rregullta, në çdo të Premte në fund të muajit.
Në takimet e rregullta të Këshillit Komunal për Sigurinë e Bashkësive zakonisht marrin pjesë:
Kryetari i komunës si kryesues i këshillit
Komandanti i stacionit policor
Përfaqësuesi i policia kufitare vija e gjelbërt
Përfaqësuesi i Policia kufitare
Përfaqësuesi i këshillit të bashkësisë islame
Kryesuesi i komitetit për komunitete
Përfaqësuesja për barazi gjinore
Drejtori i drejtorisë për arsim kulturë rini dhe sport
Përfaqësuesi i këshillit të prindërve
Përfaqësuesi i FSK-së
Përfaqësuesi i ekipeve vepruese për siguri në bashkësi
Drejtori i drejtorisë për shërbimeve publike dhe emergjencë
Përfaqësuesi i aleancës së biznesit
Përfaqësuesi i OJQ-së Spektri
Në të gjitha takimet që janë realizuar janë diskutuar çështje të rëndësishme të sigurisë, komunikacionit, kanalizimeve, çështjen e furnizimit me ujë për banorët e Hanit të Elezit, trajtimin e qenve endacak, transportin e nxënësve të shkollave fillore, mirëmbajtja e rrugëve, diskutime rreth organizimit të manifestimeve komunale, mbrojtja e pyjeve nga prerjet ilegale, diskutime rreth çështjeve të zjarreve gjatë sezonës verore, për shembjen e rrugës në magjistralen Hani i Elezit –Kaçanik, për shembjen e rrugës së Bushve, rrugës së fshatit Laç, rrugën e Gorancës, për vërshimet të cilat kanë ndodhë në lagje të re, për vazhdimin e punimeve për projektin e pastrimit të azbest çimentos, për vendosjen e policëve të shtrirë nëpër disa rrugë, për personat të cilët i vozisin shpejtë automjetet , për çështjen e drogës, për ndarjen e bursave për studentë të cilët janë ndarë nga aleanca e biznesit në Han të Elezit, për ngjarjet në komunën e Kumanovës së Republikës së Maqedonisë, për problemet me dokumentacione të cilat i ka shoqata e gjuetarëve në Han të Elezit për pajisje me armë të gjuetisë, për veturat të cilët parkohen në rrugën e lagjes së re dhe Seçishtë që e pengojnë komunikacionin, për protesta e ish punëtorëve të kombinatit të Sharrit dhe tema të tjera në interes të komunës së Hanit të Elezit.
