Kryetari i komunës z. Rufki Suma, nënkryetari z.Menduh Vlashi pritën sot anëtarët e klubit të mundjes “Sharri” nga Hani i Elezit të grupmoshave pioner të cilët në kampionatin e fundit arritën susesë të lartë duke u stolisur me 8 medalje dhe atë dy vende të para, tre vende të dyta dhe tre vende të treta që bënë klubin e mundjes “Sharri” klubim më të suksesëshëm në këtë kampionat.
Sadat Curri kryetarë i klubit e njoftoi kryetarin Suma me këto të arrituar të një gjenerate të re të mundësve të Hanit të Elezit të cilët premtojnë edhe shumë suksese në të ardhmen. Ai tha se për momentin në klubin e mundjes “Sharri” janë aktiv 65 mundës të të gjitha grupmoshave .
z.Curri tha se përkundër vështërsive klubi është duke arritur suksese kulminante dhe është duke përgatitur një gjeneratë me shumë perspektive.
Në shenjë të falënderimit për kontributin në mbështetjen e klubit, Sadat Curri i dhuroi mirënjohje kryetarit të komunës Rufki Suma.
Duke falënderuar për mirënjohjen kryetari Suma përgëzoi mundësit për sukseset e arritura. Kryetari Suma kishte edhe një apel për pionerët e këtij klubi, që për aq sa janë sportist të mirë e të suksëshëm kërkoi nga ata që të jenë edhe nxënës të mirë dhe të jenë shembull për të rinjët tjerë.Ai tha se komuna e Hanit të Elezit do të vazhdoj të përkrahë këtë klub por edhe të gjithë të tjerët të cilët do të angazhohen për të arritur suksese,Për më tepër kryetari Suma tha se tashmë edhe me ligj janë të parapara benefitet për të gjith sportistët të cilët arrijnë suksese në nivele ndërkombëtare.
Mundësit e rinjë të klubit "Sharri" sot në takim ishin të shoqëruar nga mundësit më të mirë të kësaj treve z,Shenasi Luri ish nënkampioni botërorë , përfaqësuesi i Kosovës në Lojrat Olimpike në Baku z.Arlind Curri dhe po ashtu mundësi i njohur dhe anëtarë i kryesis së klubit z.Xhabir Luri.
Duke iu drejtuar të rinjëve z,Shenasi Luri tha se për dallim në kohën kur ai garonte e duhej të mbronte ngjyrat e shtetit të huaj dhe në kushte ku shpesh here edhe diskriminohej vetëm të mos arrinte rezultate të mira, sot këta të rijë kanë edhe një arsye më shumë për të arrirur rezultate të mira dhe për ta përfaqësuar trevën e Hanit të Elezit dhe Republikën e Kosovës.
Prezenca e z,Shenasi Lurit në këtë takim ishte rast që kryetari i komunës Rufki Suma ta nderojë me Amblemën e Komunës së Hanit të Elezit për kontributin e z.Lurit në promovimin e sportit të mundjes në trevën e Hanit të Elezit.
