Kryetari i komunës Rufki Suma priti sot në takim rasti zyrtarë të Qendrës Rajonale për Trashëgimi Kulturore ( QRTK) të Gjilani z.Arton Hoxha,Sherafedin Kadriu dhe Sabit Rrustemi.
Zyrtarët e Qendrës Rajonale për Trashëgimi Kulturore (QRTK) të Gjilani me kët rast Kryetarit të Komunës së Hanit të Elezit z.Rufki Suma i dorëzuan Vëllimin e Parë të publikimit “Trashëgimia Kulturore e Rajonit të Gjilanit”
Arton Hoxha- drejtor i QRTK-së në Gjilan, tha se Vëllimit të Parë të publikimit “Trashëgimia Kulturore e Rajonit të Gjilanit” edhe disa monumente të trashëgimisë kulturore të trevës së Hanit të Elezit.
Ndërsa Sabit Rrustemi zyrtarë për promovim pranë Qendrës Rajonale për trashëgimi Kuturore, vlerësoi lartë botimin “ Trashëgimia Kulturore e Rajonit të Gjilanit”, duke thënë se ky është njëri ndër botimet më kapitale të kësaj fushe si dhe një thesar i mirë për të gjitha komunat e regjionit. Ky projekt është mbështetur financiarisht nga Ministria e Kulturës përmes Departamentit për Trashëgimi Kulturore, ndërsa është implementuar nga Qendra Rajonale për Trashëgimi Kulturore në Gjilan.
Vizita në komunën e Hanit të Elezit ishte rast që z.Sabit Rustemi të dhurojë për Bibliotekën e qytetit 20 tituj me nga pesë eksemplarë.
Kryetari i komunës Rufki Suma falënderoi zyrtarët e Qendrës Rajonale për Trashëgimi Kulturore ( QRTK) të Gjilani për vizitën në komunën e Hanit të Elezit dhe kontributin e tyre që trashëgimia kulturore e Hanit të Elezit të prezentohet në mënyrë profesionale në Vëllimin e Parë të publikimit “Trashëgimia Kulturore e Rajonit të Gjilanit”. Ai tha se treva e Hanit të Elezit ka shumë monumente, dëshmi e argumente mbi historinë e lashtë të vendbanimeve të kësaj treve të cilat presin të shpalosen dhe të prezentohen.
