Hani i Elezit 06.02.2014
Kryetari i komunës Rufki Suma, priti në takim pune Përfaqësuesin e UN-Habitat-it z.Ishaku Maitumbi. Kryetari Suma me këtë rast theksoi bashkëpunimin e shkëlqyeshëm mes palëve në hartimin e planeve të rëndësishme të komunës së Hanit të Elezit, si Planin Zhvillimorë Komunal, Planin Zhvillimor Urban, Studimin për rregullimin dhe menaxhimin e furnizimit me ujë të Hanit të Elezit si dhe implementimin e projekteve kapitale si “Rregullimin e Hapësirës Publike”.
Kryetari Suma falënderoi Programin e Mbështetjes së Planifikimit Hapësinor Komunal, financuar nga Qeveria e Suedisë përmes Sida-s dhe implementuar nga UN HABITAT-i, për përkrahjen e dhënë komunës së Hanit të Elezit në hartimin e Planit rregullues urban për qendrën dhe Lagjen e Parkut si edhe për gatishmërinë që të implementojë projektin kapital”Rregullimit të rrugës së Shkollës Fillore Ilaz Thaçi si dhe rregullimin e hapësirave në fshatrat Gorancë dhe Paldenicë të cilat priten të fillojnë të realizohen së shpejti.
Edhe Përfaqësuesi i UN-Habitat-it z.Ishaku Maitumbi u shpreh i lumtuar për bashkëpunimin shumë të mirë me komunën e Hanit të Elezit.Ai e njoftoi kryetarin Suma se faza e -II- e këtij projekti do të përmbyllet në muajin Nëntorë, dhe se jemi në fazën e vlerësimit dhe hulumtimit të fushave për vazhdimin e bashkëpunimit me komunën e Hanit të Elezit edhe në fazën e ardhshme të këtij projekti.
Ai tha se komuna e Hanit të Elezit ka dëshmuar përkushtimin për bashkëpunim të fuqishëm me UN HABITA-tin që dëshmohet me dokumentet e miratuara dhe projektet e implementuara.
Zyra për Informim
