Hani i Elezit 26.03.2014
Fabrika për prodhimin e çimentos “Sharrcem” nga Hani i Elezit në bashkëpunim me Ministrinë e Mjedisit dhe Planifikimit Hapësinor, organizoi debat publik me qytetarët e Hanit te Elezit dhe palët e interesuara në lidhje me "Lejen e Integruar Mjedisore" në përputhje me ,,Ligjin mbi parandalimin dhe kontrollin e integruar të ndotjes"
Në debat ishin të pranishëm përfaqësues të Ministrisë së Mjedisit dhe Planifikimit Hapësinorë, qytetarë, përfaqësues të komunës së Hanit të Elezit, përfaqësues nga OJQ-të REC nga Prishtina dhe OJQ Ajri nga Kaçaniku.
Të pranishmit me fljalë mirëseardhje në këtë debat i përshëndeti Drejtori Menagjues i Fabrikës Sharrcem z.Emanuel Mitsou i cili theksoi rëndësin e aplikimit të Sharrcem-it për "Lejen e Integruar Mjedisore".
Informatën në lidhje me aplikacionin e "Sharrcem-it” në MMPH për Lejen e Integruar Mjedisore e prezantoi z.Muhamet Malsiu, Drejtor i Departamentit për mbrojtejen e mjedisit në MMPH. Ai tha se Ministria e Mjedisit dhe Planifikimit Hapësinor duke u bazuar në Ligjin për Mbrojtjen e Mjedisit Ligji për Parandalimin dhe Kontrollin e Integruar të Ndotjes si dhe Udhëzimit Administrativ për Formën, Përmbajtjen dhe Mënyrën e Plotësimit të Aplikacionit për Leje Mjedisore të Integruar është duke proceduar me këtë proces sipas kërkesës së operatorit Sharrcem SH.P.K. Ky debat është pjesë e një procesi të kushtëzuar që nënkupton edhe procedura tjera të vlerësimit dhe plotësimit të të gjitha kritereve që kërkohen nga “Leja e Integruar Mjedisore”
Ndërsa prezantimin e aplikaconit për “Leje të Integruar Mjedisore”e bëri Halil Berisha Menagjer i Mjedisit për Sharrcem. Ai në prezantimin e tij të detajuar mbi të arriturat e Sharrcemit për të aplikuar për këtë leje, tha se parandalimi dhe kontrolli i integruar i ndotjes është një regjim i lejes së integruar për lloje të caktuara të aktiviteteve industriale. Qëllimi i këtij procesi është që nëpërmjet një qasje të integruar të rregulloj ndikimet në mjedis të shkaktuara nga aktivitetet industriale. Për këtë arsye pjesëmarrja e publikut në vendimmarrje në procesin e lejes është shumë i rëndësishëm tha z. Berisha.
Pas prezantimit pasoi edhe debati nga pjesëmarrësit. Menduh Vlashi, nënkryetarë i komunës së Hanit të Elezit tha se po të krahasojmë gjendjen sipas viteve, atëherë janë evidente të arriturat në përmirësimin e menagjimit të ndotjes së ambientit. Megjithatë ka shumë ende për tu përmirësuar në këtë drejtim për të vlerësuar se është arritur më e mira. Ai përmendi se përkundër vendosjes së filtrave megjatë ka ende pluhur, ka ende shumë zhurmë nga stabilimentet, ka gazra të cilat janë evidente në orët e mbrëmjes dhe në mëngjes. Si do që të jetë po shpresojmë se gjatë këtij procesi do të mënjanohen edhe këto probleme që do të ishte e mirë dhe e arritur e përbashkët tha z.Vlashi.
Zyra për Informim
