Hani i Elezit 12.08.2013
Qendra kryesore e mjekësisë familjare “Menduh Kaloshi” në Han të Elezit dhe në përgjithësi shëndetësia e kësaj komune prej sot janë më të pasuruar me njësinë e Rentgen Diagnostikën dhe me një autoambulancë të re.
Me një solemnitet rasti sot në QKMF “Menduh Kaloshi” është bërë përurimi i Rtg.diagnostikës dhe lëshimit në përdorim të aparaturës së re, si dhe pranim dorëzimi i Autoambulancës së re donacion i Ministrisë së Shëndetësisë
Në aktin e përurimit ishin prezent Ministri i Shëndetësisë Prof.Dr.Ferid Agani, Sekretari i përhershëm i kësaj Ministrie Dr.Gani Shabani, përfaqësues nga Spitali Regjional i Ferizajt, përfaqësues nga QKMF-ja e Kaçanikut zyrtarë komunal e shumë të ftuar dhe qytetarë të komunës së Hanit të Elezit.
Në fjalën përshëndetëse, duke ju uruar mirëseardhje pjesëmarrësve, Drejtori i QKMF-së “Menduh Kaloshi” z.Shemsi Bushi tha se kjo ditë do të shënojë edhe një hapë të rëndësishëm në shërbimet shëndetësore të komunës së Hanit të Elezit me rrethinë. Ai me këtë rast falënderoi Ministrinë e Shëndetësisë e cila në vazhdimësi kishte mirëkuptim në kërkesat e kësaj qendre dhe në veçanti falënderoi Ministrin Agani për përkrahjen e dhënë që kjo Qendër Shëndetësore të përfitojë këto donacione tejet të vlefshëm dhe të domosdoshme.
Drejtori i QKMF-së Shemsi Bushi me këtë rast falënderoi edhe kryetarin e komunës Rufki Suma për angazhimin e tij personal që kjo qendër të funksionoj në kushte optimale për 24 orë në shërbim të banorëve të komunës së Hanit të Elezit dhe rrethinë.
Kryetari i komunës Rufki Suma duke përshëndetur të pranishmit tha se komuna e Hanit të Elezit në vazhdimësi ka treguar gatishmërinë e sajë që me investime të përkrahë këtë qendër shëndetësore. Kryetari Suma tha se kjo qendër falë këtyre investimeve është e pajisur me aparaturat dhe laboratorë më moderne të domosdoshme për një qendër të mjekësisë familjare. Përurimi i Rtg.Diagnostikës dhe autoambulanca e re, donacionë nga Ministria e Shëndetësisë do të bëjnë këtë qendër ndër më modernet në rajon dhe e gatshme për të ju ofruar shërbime më cilësore banorëve të kësaj ane.Kryetari Suma në emër të banorëve të komunës së Hanit të Elezit falënderoi Ministrinë e Shëndetësisë dhe z.Aganin për përkrahjen e dhënë QKMF “Menduh Kaloshi”
Ndërsa Sekretari i Përhershëm i Ministrisë së Shëndetësisë Dr.Gani Shabani tha se ndjehet shumë i lumtur që sot është prezent në këtë ngjarje ku shënohet një e arritur e rëndësishme në shëndetësinë e komunës së Hanit të Elezit. Ai tha se edhe përkundër buxhetit të kufizuar kjo ministri po bënë përpjekje të vazhdueshme për të investuar në avancimin me mjete dhe pajisjet e nevojshme kudo që është e mundur duke shtuar se investimi i realizuar në QKMF “Menduh Kaloshi” është 120.000 €.
Pjesmarrësve në këtë ngjarje të veçant iu drejtua edhe Ministri Prof. Dr. Ferid Agani.
Ministri Agani duke përgëzuar kryetarin e Komunës Rufki Suma për të arriturat në komunën e Hanit të Elezit si dhe stafin e QKMF-së “Menduh Kaloshi”, tha se treva e Hanit të Elezit ka dhënë kontribut të çmuar gjatë kohës së luftës dhe po vazhdon të kontribuojë me të arriturat e saja .
Duke iu referuar zhvillimeve në Ministrinë e Shëndetësië, z.Agani tha se kjo Ministri do të vazhdojë të përkrahë fuqishëm reformat në shëndetësi, duke përmendur ligjet reformuese të shëndetësisë si Ligjin e Sigurimeve Shëndetësore, miratimi i të cilës, sipas Ministrit, do të sigurojnë bazë për shërbime sa më cilësore për qytetarët .
Ministri Agani, vlerësoi lartë punën që bëhet QKUK nga ana e punëtorëve shëndetësore, duke shtuar se është bërë dhe po bëhet punë e mirë, përkundër problemeve me të cilat po përballemi dhe se do të angazhohet edhe për sa i përket furnizimit me barna dhe material shpenzues që të ketë investime të reja kapitale në QKUK, të ketë furnizim më të mirë me aparaturë mjekësore dhe të përmirësohet infrastruktura dhe kushtet e punës për punëtorët tha z.Agani.
Pas fjalimeve të rastit përurimin solemn të Rtg-Diagnostikës e bënë Ministri Agani dhe Kryetari Suma si dhe bënë dorëzim –pranimin e autoambulancës.
Zyra për Informim
