Në vigjilie të festës së madhe 11 Qershorit “Ditës së Çlirimit” të Hanit të Elezit shumë aktivitete sportive e kulturore.
Ngjarja e ditës ishte Vrapimi Tradicional “Hani i Elezit 2015” e cila tradicionalisht organizohet me datë 10 Qershorë për të 14-tin vit me radhë.
Edhe kësaj radhe oragnizatorë i këtij evenimenti sportiv ishte Federata e Atletikës e Kosovës në Bashkëpunim me Derjtorinë e Arsmit Kulturës Rinis dhe Sportit të Komunës së Hanit të Elezit.
Në vijën e starit të kësaj gare ishin, Nxenesit nga shkolla fillore (mashkuj), Nxenesit nga shkolla fillore (femra). Personat me aftësi të kufizuar, Pionerë e Pionere, Juniorë e Juniore, Seniorë e Seniore, Veteranë e Veterane, të cilët vrapuan në shtigjet e paracaktuar sipas grupmoshave dhe kategorive.
Këshilli organizativ i kësaj gare në bashkëpunim me Policinë e Kosovës, kishin ndërmarrë të gjitha masat e nevojshme që kjo garë tejet interesante të zhvillohet me plotë sukses.
Për më të mirët nga Federata e Atletikës së Kosovës u ndanë mirnjohje dhe kupa dhe atë:
Nxenesit nga shkolla fillore (mashkuj)-Eduard Livoreka, Hani i Elezit
Nxenesit nga shkolla fillore (femra)-.Besiana Bushi, Hani i Elezit
Persona me aftësi të kufizuara- Avni Bajramaliu
Juniore-Gentiana Peci, Mitrovicë
Seniorë-Valentin Sadiku –Trepça, Mitrovicë
Seniore-Donika Bujupaj,Istog
Veteranë-Imer Aliaj,Junik
Veterane-Shemsie Dukaj, Pejë
Mirënjohjet më të mirëve ju ndanë nga përfaqësuesit e institucineve publike e sportive, Kryetari i Komunës Rufki Suma, Kryesuesi i Kuvendit të Komunës Qamush Brava, Nënkryetari i komunës Menduh Vlashi, Nënkryetari i Federatës së Atletikës së Kosovës Gazmend Maxhuni Drejtori i DKA-së Irfan Qajani.
Duke e e përmbyllur këtë ngjarje sportive Kryetari i komunës Rufki Suma uroi të gjith sportistë për angazhimin e tyre që kjo garë për çdo vitë po bëhet edhe më masovike.
Kryetari Suma me këtë rast falënderoi të gjithë të cilët u angazhuan që kjo garë të zhvillohet në frymën e sportit të vërtetë duke nderuar me “Mirënjohje” Federatën e Atletikës së Kosovës për kontributin e dhë në avansimin e sportit të atletikës në Komunën e Hanit të Elezit, “Mirënjohje” për Kompanin “SH.P.K-Terminali”-Xhevdet Bajramaliu si Sponzorë kryesorë i kësaj gare dhe “Mirënjohje” për Policinë e Kosovës në Han të Elezit për kontributin në mbarvajtjen e kësaj gare tradicionale.
