Hani i Elezit 15.08.2013
Kompania “Uka Saraj” nga Hani i Elezit e përkrahur nga Bashkimi Evropian ,Zyra në Kosovë, dhe në bashkëpunim me Ministrinë e Bujqësisë, Pylltarisë dhe Zhvillimit Rural, Organizuan ceremoninë e promovimit të projektit “ Përmirësimi i cilësisë në sektorin e përpunimit të mishit”.
Në këtë promovim i morrën pjesë Përfaqësuesi i Zyrës së Bashkimit Evropian z. Christof Stock, drejtorë i operacioneve në BE,Blerand Stavileci Ministër I MBPZHR, nëkryetari I Komunës së Hanit të Elezit Muzafer Dernjani si dhe të ftuar tjerë.
Ky projekt është i financuar nga Bashkimi Evropian, Zyra në Kosovë dhe është implementuar nga kompania “Uka Saraj”.
Ngjarja promovuese ishte fokusuar në prezantimin e pajisjeve të reja të përpunimit të mishit në kompaninë Uka Saraj, pajisje këto të fituara nga granti i Komisionit Evropina për zhvillim të sektorit të përpunimit të ushqimit.
Për z.Stok dhe Ministrin Stavileci ky projektë synon rritjen e zhvillimit ekonomik nëpërmjet përmirësimit të sektorit të përpunimit të mishit, përmirësimin e cilësisë së produktit, standardet e sigurisë ushqimore dhe për të rritur mundësitë e punësimit në zonat rurale.
Nënkryetari Muzafer Dernjani tha se investimet e bëra në komunën e Hanit të Elezit, sidomos në përkrahjen e ngritjes së kapaciteteve të kompanive do të jetë një ndihmesë e rëndësishme për zhvillimin ekonomik të komunës së Hanit të Elezit dhe një mundësi e për stimulimin e zhvillimit të bujqësisë dhe blektorisë si mundësi e mire për zbutjen e papunësisë.
Ndërsa përfaqësuesi i kompanisë “Uka Saraj” z.Kemal Abazi në emër të kompanisë falënderoi të gjithë ata që u angazhuan që kjo kompani të jetë përfituese këtyre pajisjeve më bashkohore që do të ndihmojë këtë kompani të rritë sasin e prodhimit dhe të promovojë cilësi maksimale në sektorin e përpunimit të mishit.
Zyra për Informim
